Mariaran 125.000 biztanle inguru bizi da. Gehienak landa eremuetatik berriki etorritako jendea da, aurreko urteetan eskualde horretan lan eskaintza asko zegoela eta. Venezuelako krisialdi ekonomikoak lana suntsitu egin du baina pertsona horiek etortzen jarraitu dute. Ondorioz, biztanleen ia % 70 pobrezia baldintzetan bizi da eta ezin ditu oinarrizko beharrak ase, eta gainerako % 30 miserian bizi da. Gainera, emakumea kultura matxistaren biktima da.

Proiektuak (Eusko Jaurlaritzak onartu egin zuen 2001eko deialdian) mediku eta gizarte baldintzak hobetu nahi ditu Mariarako biztanleentzat.

Osasun baldintzak hobetzeko asmoz, mediku kontsultategia eraiki zen (hasiera batean, 9 espezialitaterekin), une horretara arte osasunerako sarbiderik ez zuten biztanleentzat.

Gizarte hobekuntzaren oinarria da emakumeei laguntzea, haiek aldezte eta trebatze bidez.

Hobekuntza horiek gauzatzeko, 3 solairuko eraikina egin zen, 900 metro koadroko azalerarekin. Halaber, hainbat kontsultategi eta lantegi ekipatu ziren.

SCJ kongregazioak antzeko ezaugarriak dituzten beste bi zentro kudeatzen dituzten Tinaquillon eta Caracasen.

Proiektuaren guztizko aurrekontua 488.570,00 euro izan zen, eta Eusko Jaurlaritzak 342.000,00 euro eman zituen. 

Zentroa biztanle guztiei irekita dago, mugaketarik gabe. Hala ere, baliabide ekonomikorik gabeko pertsona baztertuei zuzentzen zaie nagusiki: langabetuei, emakumeei eta haurrei.

Osasun esparruko onuradunak 10.000 pertsona inguru izango direla jotzen da. Gizarte esparruko onuradunak, berriz, (emakumeak aldeztea eta trebatzea) 480 emakume inguru izango direla jotzen da urtean.