Horrela, erdiesten diren diru sarrera guztiak zuzenean lankidetzarako zereginetan erabiltzen dira. Hona hemen diru sarreren iturriak:

• Industria Ingeniarien Arabako eta Bizkaiko Elkargoen aurrekontuen % 0,7 eta Bizkaiko Elkargoaren ekarpenak.
• Kideen kuota.
• Erakundeen laguntzak.
• Enpresa eta partikularren dohaintza ekonomikoak.
• Ekipoen eta materialen dohaintzak.
• Proiektuen zeharkako kostuak.

 Beste alde batetik, 2005. urtearen erdialdean, IC-LIren Gipuzkoako Ordezkaritzak "Enpresa Elkartuak" programa sortu zuen, Gipuzkoako enpresen gizarte ardura nazioartean bideratzeko berezko tresna izateko asmoz.

Hori lortzeko, hiru urteko hitzarmena ezarri dute enpresen eta IC‑LIren artean, azken horrek enpresaren ekarpenak garatzeko bidean diren herrialdeetan baliatzeko ardura bere gain harturik. Gaurkoz, Kongoko Errepublika Demokratikoan, Etiopian eta Bolivian erabiltzen dira ekarpenok.

Gobernuz Kanpoko Erakundearen zerga erregimena Onura Publikoko Elkarteei dagokiena da; izan ere, Jaurlaritzaren Kontseiluak, 1998ko abenduaren 22an, gure GGKE Onura Publikoko Elkartetzat jotzea onetsi zuen.

Urtero hainbat aitorpen egiten da: Sozietateen gaineko Zerga; Dohaintza‑emaileen gaineko Informazioa; Hirugarrenekin egindako Eragiketen Urteko Aitorpena; Datu ekonomikoak Eusko Jaurlaritzari bidaltzea, eta abar.

Erakundearen kontuak urtero ikuskatzen dira, eta Gobernu Batzordeak urteko Batzar Nagusiari aurkezten dizkio, azter, eztabaida eta onets ditzan.